काठमाडौँ। कुमारी बैंक लिमिटेडले संस्थापक समूहका १ लाख २ हजार कित्ता शेयर बिक्रीमा ल्याएको छ। विभिन्न संस्थापक शेयरधनीहरूको स्वामित्वमा रहेका उक्त शेयरहरूलाई बैंकले व्यवस्थापकीय प्रक्रिया अनुसार सार्वजनिक सूचनामार्फत बिक्रीका लागि आह्वान गरेको हो।
शेयर खरिदका लागि कुमारी बैंकका विद्यमान संस्थापक शेयरधनीहरू मात्र पात्र हुनेछन्। इच्छुक शेयरधनीले सूचना प्रकाशित भएको ३५ दिनभित्र कुमारी क्यापिटल लिमिटेड शेयर रजिस्ट्रार, काठमाडौं वा टंगालस्थित बैंकको केन्द्रीय कार्यालयमा आवेदन पेस गर्नुपर्नेछ। बिक्री मूल्य सम्बन्धित विक्रेताले तोकेको दरअनुसार हुनेछ।
बैंकका अनुसार निर्धारित म्यादभित्र संस्थापक समूहबाट पर्याप्त आवेदन नआएमा शेयर बाह्य पक्षलाई बिक्री गर्ने प्रक्रिया अघि बढाइनेछ। यसले बैंकको संस्थापक संरचनामा सम्भावित पुनर्संतुलन हुने अनुमान गरिएको छ।
