काठमाडौं। चैत २८ गते नेपाल उद्योग वाणिज्य महासंघको ५८औं वार्षिक साधारणसभा एवं उद्योग वाणिज्य दिवस उद्घाटन हुने भएको छ ।
कार्यक्रममा आर्थिक सुधारका लागि राजनीतिक प्रतिबद्धता खोजिने भएको छ । यस पटकको साधारणसभामा भारतीय उद्योग परिसंघका प्रेसिडेन्ट देसिग्नेट सञ्जीव पुरी वक्ताका रुपमा रहने महासंघले जनाएको छ।
साधारणसभामा भाग लिन पुरीको नेतृत्वमा भारतीय लगानीकर्ता सहभागी हुने महासंघको भनाई छ । चैत २८ मा ८ः३० बजे तय भएको उद्घाटन कार्यक्रमपछि प्रमुख राजनीतिक दलहरुलाई निम्त्याइएको महासंघले जनाएको छ।
