काठमाडौँ। कोशी प्रदेश सरकारमा सहभागी रहेका माओवादी केन्द्रका मन्त्रीहरूले सामूहिक राजीनामा दिएका छन् ।
केही बेरमा उनीहरूले मुख्यमन्त्रीलाई राजीनामा बुझाउने तयारी गरेका हुन् । काँग्रेस नेता केदार कार्की नेतृत्वको सरकारमा माओवादीबाट खानेपानी सिँचाइ तथा ऊर्जा मन्त्री नारायण बुर्जा मगर, सामाजिक विकास मन्त्री राजेन्द्र कुमार राई र पर्यटन, वन तथा वातावरण गणेश उप्रेती रहेका छन् ।
सोमबार बसेको माओवादी कोशी प्रदेश संसदीय दलको बैठकले आजै पार्टीका मन्त्रीहरूले राजीनामा दिने निर्णय गरेको थियो ।
