काठमाडौँ । ई–कर्मस वेबसाइट ग्यापु डटकमका सञ्चालक समेत रहेका ज्ञानेन्द्र खड्कालाई अपहरण गरेको भन्दै काँग्रेस नेता गणेश लामाविरुद्ध प्रहरीमा किटानी जाहेरी परेको छ।
उपत्यका अपराध अनुसन्धान कार्यालय, काठमाडौँको आएको निवेदनमाथि प्रारम्भिक अनुसन्धान गरेर थप कारबाहीका तथा अनुसन्धानका लागि जिल्ला प्रहरी परिसर, ललितपुर पठाइएको प्रहरी स्रोतले जनाएको छ ।
लामासहितको समूहले आफूलाई ललितपुरको ढोलाहिटीस्थित आदर्श टोलबाट अपहरण गरेको पीडितको जाहेरीमा उल्लेख छ । अपहरण गरेर लन्डन हाउस होटेलमा लगेर बन्धक बनाएको जाहेरीमा भनिएको छ।
