काठमाडौं । पूर्व कमाण्डर तथा माओवादी केन्द्रका नेता कालीबहादुर खाम पक्राउ परेका छन् ।
प्रहरीले माओवादी लडाकु खामलाई व्यापारी रामहरि श्रेष्ठको अपहरणपछि हत्याको आरोपमा नियन्त्रणमा लिएको हो । उनलाई काठमाडौंको ठमेलबाट पक्राउ गरिएको प्रहरी स्रोतले जनाएको छ ।
खाम कोटेश्वर निवासी श्रेष्ठको हत्याको अभियोगमा १५ वर्षदेखि प्रहरीको फरार सूचीमा रहेका थिए ।
माओवादी केन्द्रको सुरक्षा विभागका सदस्य खामलाई सो हत्या प्रकरणका प्रमुख योजनाकार मानिन्छ ।
