Registration Link: https://forms.gle/LDJN16ffNrd3mWZD7
काठमाडौं। नेपालको स्टक बजारमा सहभागिता बढ्दै गएको छ, तर अझै पनि धेरै लगानीकर्ताले capital market को आधारभूत ज्ञान, अधिकार–दायित्व, जोखिम र अवसर स्पष्ट रूपमा नबुझी लगानी गरिरहेको देखिन्छ। यही वास्तविकतालाई मध्यनजर गर्दै SMART Growth Ventures Pvt. Ltd. ले सञ्चालन गर्दै आएको SMART Friday Insight Series अन्तर्गत Episode–07 यही शुक्रबार आयोजना हुँदैछ।
यस एपिसोडको मुख्य विषय “Capital Market Literacy” रहेको छ, जहाँ Vision Securities Pvt. Ltd. (Broker No. 34) का Executive Chairman राज कुमार तिमिल्सिना प्रमुख वक्ताका रूपमा सहभागी हुनुहुनेछ। उहाँले पूँजी बजार साक्षरता किन आवश्यक छ, लगानीकर्ताले के–के बुझ्नैपर्छ, बजारका विभिन्न संस्थाहरूको भूमिका के हो, र सूचित लगानी (informed investing) कसरी गर्न सकिन्छ भन्ने विषयमा व्यावहारिक र अनुभवजन्य प्रस्तुति दिनुहुनेछ।
कार्यक्रम शुक्रबार, फेब्रुअरी १३, २०२६ (फागुन ०१, २०८२) साँझ ६:०० देखि ८:०० बजेसम्म Google Meet र YouTube Live मार्फत प्रत्यक्ष प्रसारण हुनेछ। यो सेसन नयाँ लगानीकर्ता, मध्यम स्तरका सहभागी तथा दीर्घकालीन लगानी सोच बनाइरहेका सबैका लागि अत्यन्त उपयोगी हुने अपेक्षा गरिएको छ।
कार्यक्रम विवरण: • विषय: Capital Market Literacy • वक्ता: राज कुमार तिमिल्सिना, Executive Chairman, Vision Securities Pvt. Ltd. (Broker No. 34) • मिति: फागुन ०१, २०८२ (Feb 13, 2026) • समय: साँझ ६:०० – ८:०० बजे • Live: Google Meet र YouTube • आयोजक: SMART Growth Ventures Pvt. Ltd.
SMART Friday Insight Series, SMART Growth Ventures द्वारा सञ्चालन गरिएको निरन्तर लगानी शिक्षा अभियान हो, जसले “Where Knowledge Meets Opportunity” भन्ने उद्देश्यका साथ नेपाली लगानीकर्तालाई capital market साक्षर, जिम्मेवार र दीर्घकालीन रूपमा सक्षम बनाउने लक्ष्य राखेको छ।
यसअघि सम्पन्न भएका एपिसोडहरूले लगानीकर्ताबीच उल्लेखनीय सकारात्मक प्रभाव पारेका छन् — • Ep.01: Use of Collateral Smartly • Ep.02: Social Security Fund (SSF) • Ep.03: Top Mistakes New Investors Make • Ep.04: How to Survive & Grow in the Stock Market • Ep.05: SIP Investing in Nepal • Ep.06: How Nepal Stock Market Actually Works
अघिल्ला सबै एपिसोडहरू हेर्न: https://www.youtube.com/@smartnepse/streams
Episode–07 मा सहभागी हुन दर्ता गर्न: पोस्टरमा रहेको QR Code स्क्यान गर्न वा Google Form https://forms.gle/LDJN16ffNrd3mWZD7 मार्फत दर्ता गर्न सकिने छ।
