काठमाडौं । नेकपा (एमाले) का अध्यक्ष केपी शर्मा ओलीले अगामी फागुन २१ गतेका लागि तय भएको निर्वाचनमा सहभागी नहुने उद्घोष गरेका छन् । आज पार्टी केन्द्रीय समितिको समापन समारोहलाई सम्बोधन गर्ने क्रममा ओलीले आगामी निर्वाचनमा सहभागी नहुने घोषणा गरेका हुन् ।
गत बुधबारदेखि सुरु भएको एमाले केन्द्रीय कमिटी बैठक आज सकिएको छ । ओलीको निर्वाचनमा सहभागी नहुने उद्घोषको उपाध्यक्षहरु युवराज ज्ञवाली र अष्टलक्ष्मी शाक्यले प्रतिवाद गरेका थिए । उपाध्यक्षद्वयले ओलीको घोषणामा फरक मत राखेपछि केहीबेर होहल्ला भएको थियो ।
केन्द्रीय कमिटी बैठकमा ओलीले आफ्नो काँधमा जिम्मेवारी रहेको उल्लेख गर्दै त्यो पूरा नगरी नेतृत्व नछोड्ने बताएका छन् ।
‘५५ वर्षदेखि एउटा सानो टुक्रो आन्दोलन बोकेर ल्याएको हुँ, मेरो काँधमा जिम्मेवारी छ , त्यो पूरा नगरी छोड्दिनँ । मेरो राजीनामा महाधिवेशनमा छलफल गरौला, प्रतिनिधीहरुसँग फैसला मागौँला । पार्टीलाई तिक्तता साथ नलगौँ, मित्रतासाथ जाऔँ । अपराधीहरू बाहिर छन्, हतियार बाहिर छ,’ओलीले भने ।
