काठमाडौं। गृहमन्त्री ओमप्रकाश अर्यालले पूर्वप्रधानमन्त्री एवं नेकपा एमालेका अध्यक्ष केपी शर्मा ओली कानूनभन्दा माथि नभएको बताएका छन् । ओलीमाथि अनुसन्धान हुनसक्ने संकेत गर्दै उनले अब पहिले जस्तो नहुने बताएका हुन् ।
त्रिभुवन अन्तर्राष्ट्रिय विमानस्थलमा विपिन जोशीको श्रद्धाञ्जलीसभामा जाने क्रममा सोमबार दिउँसो सिंहदरबारमा सञ्चारकर्मीसँग कुरा गर्दै उनले ओलीलाई काठमाडौं बाहिर जान नदिने कुरा सरकारले नभएर न्यायिक जाँचबुझ आयोगले भनेको प्रस्ट पारे ।
ओलीले आइतबार मात्र आफू उपत्यका बाहिर जाँदा कसले रोक्छ हेर्छु भन्दै सरकारलाई चुनौती दिएका थिए ।
ओलीले आफू बाहिर जाँदा कसले रोक्छ भनेर चुनौती दिएका छन् नि भन्ने प्रश्नमा अर्यालले भने, ‘ओलीलाई उपत्यका बाहिर जान रोक लगाएको आयोगले गरेको हो । आयोगलाई भन्नुपर्यो नि, सरकारले गरेको होइन नि उहाँलाई ।’
ओलीले आफूलाई समाएर देखाउन चुनौती दिएको प्रश्नमा गृहमन्त्री अर्यालले भने, ‘त्यो कानून मान्दिनँ भनेको हो ? ओली मात्रै कानूनभन्दा माथि बस्ने, पहिलाको त्यस्तो थियो, अब त्यस्तो हुँदैन ।’
