काठमाडौं – राष्ट्रपति रामचन्द्र पौडेलले राष्ट्रपति निवास शितलनिवासमा विशेष समारोहमा चार नयाँ मन्त्रीलाई शपथ ग्रहण गराएका छन्।
पूर्वन्यायाधीश अनिलकुमार सिन्हा, राष्ट्रिय आविष्कार केन्द्रका संस्थापक महावीर पुन, पत्रकार जगदिश खरेल, र विज्ञ मदान परियारले मन्त्रीको पद ग्रहण गरेका हुन्। अतिरिक्त स्वास्थ्य सचिव डा.संगीता मिश्राको नाम पनि मन्त्रीका लागि सिफारिस गरिएको भए पनि अन्तिम समयमा ‘होल्ड’ गरिएको छ।
पूर्वप्रधानन्यायाधीश सुशीला कार्की गत भदौ २७ गते प्रधानमन्त्री नियुक्त भएकी थिइन्।
उनको नेतृत्वमा ८ सदस्यीय मन्त्रिमण्डल गठन भएको छ। शपथ ग्रहण समारोहमा सभामुख देवराज घिमिरे, राष्ट्रियसभा अध्यक्ष नारायणप्रसाद दाहाल, र प्रधानमन्त्री कार्कीसहित अन्य उच्च पदस्थ अधिकारीहरूको उपस्थिति रहेको थियो।
| मन्त्रीको नाम | मन्त्रालय | |
|---|---|---|
| अनिलकुमार सिन्हा | उद्योग, कानुन र भूमि मन्त्रालय | |
| महावीर पुन | शिक्षा, विज्ञान तथा प्रविधि मन्त्रालय | |
| जगदिश खरेल | सञ्चार तथा सूचना मन्त्रालय | |
| मदन परियार | कृषि मन्त्रालय | |
| डा. संगीता मिश्र | स्वास्थ्य मन्त्रालय | ‘होल्ड’ |
