काठमाण्डौ । झापा इनर्जी लिमिटेडको आईपीओ बाँडफाँड आज सम्पन्न भएको छ । धितोपत्र बिक्री प्रबन्धक हिमालयन क्यापिटलको कार्यालयमा बिहान बाँडफाँड गरिएको हो ।
कम्पनीले गत भदौ २० गतेदेखि २४ गतेसम्म सर्वसाधारणका लागि आईपीओ निष्कासन गरेको थियो । उक्त आईपीओमा १८ लाख ६८ हजार १४१ आवेदकबाट २ करोड ३ लाख ५१ हजार ६७० कित्ता सेयर खरिदका लागि आवेदन परेको थियो ।
हिमालयन क्यापिटलका अनुसार १८ लाख ३३ हजार ७३८ आवेदन सदर र ३४ हजार ४०३ आवेदन बदर भएका छन् । यसरी सदर आवेदनमार्फत १ करोड ९९ लाख ५४ हजार ८३० कित्ता सेयरका लागि खरिद आवेदन परेको हो ।
बाँडफाँडमा कुल ४७ हजार ३३३ जनालाई १० कित्ताका दरले ४ लाख ७३ हजार ३३० कित्ता सेयर वितरण गरिएको छ । बाँकी ६ जनालाई थप एक/एक कित्ताका दरले ६ कित्ता सेयर बाँडफाँड भएको छ ।
आईपीओको नतिजा मेरो सेयर एप तथा सिडिएस एण्ड क्लियरिङको वेबसाइटमार्फत हेर्न सकिने व्यवस्था गरिएको छ ।
