काठमाडौं । नेपालीहरूको महान पर्व विजयादशमीको टीकाको साइत सार्वजनिक भएको छ । नेपाल पञ्चाङ्ग निर्णायक समितिका अनुसार यस वर्ष टीकाको उत्तम साइत असोज १६ गते बिहान ११ बजेर ५३ मिनेटमा रहेको छ ।
समितिले देवी विसर्जनको साइत विजया दशमीकै दिन बिहान ९ः२३ बजे हुने जानकारी दिएको छ । साथै, टीका लगाई माग्ने व्यक्तिले पूर्व दिशातर्फ फर्कनुपर्ने पनि उल्लेख गरिएको छ ।
यसअघि, घटस्थापना असोज ६ गते बिहान ९ बजेर १३ मिनेटमा हुने साइत तय गरिएको छ ।
