काठमाडौं । बडादशैँको सार्वजनिक बिदाको अवधिमा अध्यागमन विभागले सीमित समयका लागि सेवा सञ्चालन गर्ने भएको छ। विभागले विजयादशमीको दिन असोज १६ बाहेक अन्य दिन बिहान ११ बजेदेखि दिउँसो १ बजेसम्म पर्यटक भिसा शाखा र एजेन्सी शाखा खुला रहने जनाएको छ।
विभागका अध्यागमन अधिकृत शिवकुमार अधिकारीले सोमबार एक सूचना जारी गर्दै सार्वजनिक बिदामा पनि आवश्यकताअनुसार सेवा निरन्तरता दिने व्यवस्था गरिएको स्पष्ट पारेका छन्। उनका अनुसार दशैंको मुख्य दिन बाहेक अन्य दिनमा आउने सेवा–प्रक्रियामा कुनै अवरोध नहुने भएको छ ।
