काठमाडौँ । नेपाल एसबीआई बैंक लिमिटेडले चालू आर्थिक वर्षका लागि लाभांश घोषणा गरेको छ।
मंसिर ८ गते बसेको बैंकको सञ्चालक समितिको बैठकले गत आर्थिक वर्षको नाफाबाट सेयरधनीहरूलाई कुल ९ प्रतिशत लाभांश वितरण गर्ने प्रस्ताव पारित गरेको हो।
बैंकका अनुसार प्रस्तावित लाभांशमध्ये ५ प्रतिशत नगद (कर प्रयोजनसहित) र ४ प्रतिशत बोनस सेयर रहने छन्। सञ्चालक समितिको निर्णयअनुसार सो प्रस्ताव स्वीकृतिका लागि नेपाल राष्ट्र बैंकमा पेश गरिनेछ।
त्यस्तै, आगामी ३२औँ वार्षिक साधारण सभाबाट अनुमोदन भएपछि सेयरधनीहरूलाई लाभांश वितरण गरिने बैंकले जनाएको छ।
