काठमाडौँ । कात्तिक महिनामा कुल ६० करोड ४४ लाख ५ हजार ७३४ कित्ता धितोपत्र नेपाल स्टक एक्सचेञ्ज (नेप्से) मा सूचीकृत भएको छ। यसमा ६ करोड २४ लाख २ हजार ६४० कित्ता आईपीओ, ७० लाख कित्ता ऋणपत्र, ५६ लाख २५ हजार ६६४ कित्ता बोनस शेयर, २ करोड ९३ लाख ७७ हजार ४३० दशमलव २४ कित्ता हकप्रद शेयर र अन्य ५० करोड इकाई धितोपत्र समावेश छन्।
नेप्से कर्मचारी आन्दोलनका कारण विगत केही महिनासम्म धितोपत्र सूचीकरण प्रक्रिया स्थगित भएको थियो। कात्तिक महिनामा कर्मचारी आन्दोलन फिर्ता लिएसँगै सूचीकरण प्रक्रिया पुनः सक्रिय भएको हो।
त्यस्तै, नेपाल एसबिआई बैंक, शाइन रेसुङ्गा डेभलपमेन्ट बैंक र नबिल बैंकले जारी गरेका ऋणपत्रहरू पनि यसै महिनामा सूचीकरण भएका छन्। बोनस शेयरमा लाइफ इन्स्योरेन्स कर्पोरेशन र एनएलजी इन्स्योरेन्स, तथा हकप्रद शेयरमा पिपुल्स पावर, नेपाल इन्स्योरेन्स, एशियन लाइफ इन्स्योरेन्स र बरुण हाइड्रोपावर सूचीकृत भएका छन्।
