काठमाडौं। अर्थमन्त्री रमेश्वर खनालले अर्थ मन्त्रालयमा आजदेखि सबै किसिमका टिप्पणी (मेमो) हरू डिजिटल माध्यमबाट मात्र स्वीकृत हुने व्यवस्था लागू भएको जानकारी दिएका छन्।
खनालले सामाजिक सञ्जालमार्फत जानकारी दिँदै लेखेका छन्, “आजदेखि अर्थ मन्त्रालयमा सबै टिप्पणी डिजिटल स्वीकृति प्रक्रिया सुरू भएको छ।”
नयाँ प्रणाली कार्यान्वयनसँगै मन्त्रालयका कार्यप्रक्रियामा समय बचत, पारदर्शिता र दक्षता बढ्ने अपेक्षा गरिएको छ। साथै, डिजिटल स्वीकृतिले भौतिक फाइल–पेपरमा हुने ढिलाइ र सम्भावित भ्रष्टाचार नियन्त्रणमा पनि योगदान पुर्याउने विश्वास लिइएको छ।
