काठमाडौं। रिभर फल्स पावर लिमिटेडले भदौ २३ गतेदेखि निष्कासन गर्दै आएको हकप्रद शेयर भर्ने आज (असोज २६ गते) अन्तिम दिन भएको छ। कम्पनीले १ बराबर १ को अनुपातमा प्रति शेयर १०० रुपैयाँ अंकित मूल्यमा ७० लाख कित्ता हकप्रद शेयर निष्कासन गरिरहेको छ। यस हकप्रद शेयरमा साउन २२ गतेसम्म कायम रहेका शेयरधनीहरू मात्रै आवेदन दिन योग्य हुनेछन् ।
कम्पनीका अनुसार, आज साँझ बैंकिङ समयपछि हकप्रद आवेदन बन्द गरिनेछ। यसअघि असोज १३ गतेसम्म मात्र आवेदन दिन सकिने व्यवस्था गरिएको भए पनि, म्याद थपेर असोज २६ गतेसम्म कायम गरिएको हो। इच्छुक शेयरधनीहरूले प्रभु क्यापिटल लिमिटेडको कमलादीस्थित कार्यालय, साथै प्रभु बैंकका बेशिशहर, पोखरा, वीरगंज, इलाम, बुटवल, सुर्खेत र धनगढी शाखा कार्यालयहरूमा गई आवेदन दिन सक्नेछन्।
त्यसैगरी, मेरो शेयर (MeroShare) मार्फत पनि अनलाइन आवेदन दिन सकिन्छ। हकप्रद शेयर निष्कासन तथा बिक्री प्रबन्धक प्रभु क्यापिटल लिमिटेड रहेको छ।
