काठमाडौं। साताको दोस्रो कारोबारका दिन आज शेयर बजारमा दोहारो अंकको बढोत्तरी आएको छ । गत हप्ता निरन्तर रुपमा देखिएको गिरावटको कारण लगानीकर्ता निराश बनेका थिए । यो हप्ताको सुरुवातदेखि नै बजारले सकरात्मक लय लिएको छ ।
सोमबार नेप्से ४५.०१ अंकले बढ्दा २६४५.२३ को विन्दुमा कायम भएको छ ।
३३० सूचीकृत कम्पनीको १ करोड ४० लाख ४१ हजार ९ सय ३५ कित्ता शेयर खरिदबिक्रि हुँदा ६ अर्ब ९४ करोड २७ लाख रुपैयाँ बराबरको शेयर कारोबार भएको छ।
सेयर बजारमा बढोत्तरी आउँदा सबै उपसूचक हरियाली भएको छ । आज नेपाल लाइफ र नेपाल पुनर्बीमा कम्पनीको सर्वाधिक कारोबार भएको छ । त्यस्तै, झापा इनर्जी र सागर डिष्टलरीका लगानीकर्ताहरुले सर्वाधिक कमाएका छन् ।
उक्त दिन बन्दीपुर केवलकार, सागर डिस्टीलरी, स्वस्तिक लघुवित्त, श्रीनगर इन्ड्रष्ट्री र झापा इनर्जीको सेयरमा सकरात्मक सर्किट लाएको छ ।
