काठमाडौं । संघीय सरकारको संचित कोष ठूलो घाटामा पुगेको छ। अर्थमन्त्रालयका अनुसार हाल सरकारको कोष करिब १ खर्ब ३० अर्ब रुपैयाँ घाटामा रहेको छ।
अर्थमन्त्री रामेश्वर खनालले आज चालु बजेटको अर्धवार्षिक समीक्षा कार्यक्रममा यस विषयमा जानकारी दिँदै नेपालको वित्तीय अवस्था अत्यन्त दबाबपूर्ण रहेको बताएका छन् । “नेपालमा पैसा नै नभएको भन्दा पनि संघीय सरकारको कोष घाटामा रहेको छ।
उनले बजेट खर्च घटाउनुमा तालुकदार निकायहरूको खर्च ढिला हुनु मुख्य कारण भएको बताए। विभिन्न मन्त्रालय, विभाग र निकायहरूले उपलब्ध रकमको पूर्ण प्रयोग नगर्दा सरकारले निर्धारित बजेट लक्ष्य पूरा गर्न कठिनाइ भोग्नु परेको उनको भनाई छ ।
अर्थमन्त्री खनालले आगामी बजेट रणनीति पुनर्मूल्यांकन आवश्यक भएको पनि बताए। घाटा नियन्त्रणका लागि सरकारले राजस्व सङ्कलन सुधार्ने, अनावश्यक खर्च नियन्त्रण गर्ने र तालुकदार निकायसँग समन्वय बढाउने योजना अघि सारेको जनाएका छन्।
