काठमाडौँ । छ किलो २४ ग्राम अवैध लागु औषध कोकिनसहित प्रहरीले एक जना विदेशी नागरिकलाई पक्राउ गरेको छ ।
सुटकेसभित्र लुकाई–छिपाई राखेको उक्त परिणामको कोकिनसहित कतार एयरवेजको उडानद्वारा नेपाल आएका लाटभियाका नागरिक इभ्रस भलटेर्सलाई नेपाल प्रहरीले पक्राउ गरेको हो ।
त्रिभुवन अन्तर्राष्ट्रिय विमानस्थल भन्सार कार्यालयको आगमन कक्षबाट लागू औषध नियन्त्रण ब्युरोबाट खटिएको प्रहरीले उनलाई पक्राउ गरेको हो । बुधवार पक्राउ परेका निजमाथि लागु औषध मुद्दामा जिल्ला अदालत काठमाडौँबाट म्याद थप अनुमति लिई यस सम्बन्धमा आवश्यक अनुसन्धान भइरहेको छ।
