काठमाडौँ । सहकारीको रकम हिनामिना प्रकरणमा जोडिएका राष्ट्रिय स्वतन्त्र पार्टी (रास्वपा) का सभापति रवि लामिछाने र हाल फरार रहेका ग्यालेक्सी फोर के टेलिभिजनका सञ्चालक गीतेन्द्रबहादुर राईको बैंक खाता सम्पत्ति शुद्धीकरण अनुसन्धान विभागले सम्बन्धित बैंकहरुसँग माग गरेको छ।
विभागले २०८० माघ ८ गते बैंकहरुलाई पत्र पठाउँदै २० वटा बैंकहरुलाई पत्र लेखेर बैंक खाता भए नभएको पुष्टि गर्दै भएमा कस्तो खाता छ भनी विवरण सहित खुलाएर पठाउन निर्देशन गरेको छ ।
विभागले बैंक खाताको सबै विवरण, बैंक स्टेटमेन्ट, खाता खोल्दा पेश गरेका कागजात र हालको मौज्दात रकमको समेत विवरण खुलाएर पठाउन भनेको छ । सम्पत्ति शुद्धीकरण अनुसन्धान विभाग प्रधानमन्त्री मातहतमा रहेको छ ।
