काठमाडौं । साताको दोस्रो कारोबारका दिन अन्तिम समयमा आएर शेयर बजारमा सुधार आएको छ । निरन्तर ओरालोे लागेको शेयरबजारमा आज भने ब्रेक लागेको हो ।
सोमबार बजार ३.२१ अंकले बढेर २०६६ को विन्दुमा कायम हुन पुगेको छ । सोमबार ३२२ धितोपत्रको ६६ हजार ५१९ कित्ता शेयरको पाँच अर्ब ७ करोड ७२ लाख ५५ हजार रुपैयाँबराबरको कारोबार भएको छ ।
कारोबारमा आएका कम्पनीहरूमध्ये नेपाल फाइनान्स र गणपति लघुवित्तको शेयरमूल्य १० प्रतिशतले बढेको छ । मकर जितुमायाको ७.२१, शिव श्री हाइड्रोपावरको ६.९१ प्रतिशतले शेयरमूल्य बढेको छ ।
आज शेयर बजारमा सबैभन्दा बढी मेरो माइक्रोफाईनान्सको सेयर सर्वाधिक कारोबार भएको छ । आज कम्पनीको २४ करोड ३२ लाख १८ हजार रुपैया बराबरको कारोबार भएको छ । त्यस्तै एनआरएन इन्फ्रास्ट्रक्चरको १८ करोड ४१ लाख ५३ हजार रुपैयाँ बराबरको सेयर खरिद बिक्री गर्दै कारोबार रकमको आधारमा दोस्रो स्थानमा रहेको छ ।
त्यस्तै, नेपाल इन्फास्क्चर, पोखरा फाइनान्स, माउन्टेन इनर्जी, मञ्जु श्री फाइनान्स, जानकी फाइनान्स, रिलायन्स फाइनान्स, मल्टिप्रपोज फाइनान्स, समृद्धि फाइनान्स र सिईडिबी हाईड्रोपावरको सर्वाधिक कारोबार भएको छ।
