काठमाडौं । साताको पहिलो कारोबारका दिन नेपाल स्टक एक्सचेञ्ज (नेप्से) २२.७५ अकंले बढेर २०२६.८१ बिन्दुमा बन्द भएको छ । नियामक संस्थाहरु लचिलो बन्दै जाँदा शेयर बजारमा सुधारको सकेत देखिएको हो ।
गत साताभरी राताम्य भएको बजार यो साताको सुरुवातमै सुधार देखिएको हो । बजार आइतबार दोहोरो अकंले बढेको हो।आइतबार ३११ कम्पनीको १ करोड १२ लाख १० हजार १०२ कित्ता शेयर किनबेच हुँदा ४ अर्ब २५ करोड ६६ लाख ७६ हजार रुपैयाँँको कारोबार भएको छ ।
आज फाइनान्स कम्पनीको शेयर मूल्य ५.९५ प्रतिशतले बढेको हो । त्यस्तै, वाणिज्य बैंकको ०.५८ प्रतिशत, विकास बैंक समूहको ३.१६ प्रतिशत, हाइड्रोपावर समूहको १.१६ प्रतिशत, इन्भेष्टमेन्ट समूहको ०.६० प्रतिशतले शेयर मूल्य बढेको छ।
