काठमाडौँ। नेपाली बजारमा आज सुनको मूल्यमा उल्लेख्य गिरावट आएको छ । नेपाल सुनचाँदी व्यवसायी महासंघले जनाएअनुसार सुनको भाउ प्रतितोला ५ हजार ४ सय रुपैयाँले घटेको हो ।
आजका लागि सुनको मूल्य प्रतितोला ३ लाख २ हजार ३०० रुपैयाँ निर्धारण गरिएको छ। अघिल्लो कारोबार दिन भने सुन प्रतितोला ३ लाख ७ हजार ७०० रुपैयाँमा कारोबार भएको थियो ।
यस्तै, चाँदीको मूल्यमा पनि कमी आएको छ । महासंघका अनुसार चाँदी प्रतितोला १४० रुपैयाँले घटेर ५ हजार १० रुपैयाँमा कायम भएको छ । अघिल्लो दिन चाँदीको मूल्य प्रतितोला ५ हजार १५० रुपैयाँ रहेको थियो।
