काठमाडौं । अनेकौं कामहरु एकमाथि अर्को खप्टीरहेको बेला नेपाल धितोपत्र बोर्ड (सेबोन) को अध्यक्ष नियुक्ती सम्बन्धी प्रक्रिया रद्द गर्ने निर्णय भएको खबर प्राप्त भएको छ । बोर्डको अध्यक्ष नियुक्ती गर्ने प्रयोजनको निमित्त नाम सिफारिस गर्नको लागि गठन गरिएको सिफारिस समितिको बैठक शुक्रबार बसेको थियो ।
सोही बैठकबाट जुटेको सहमति अनुसार धितोपत्र बोर्डको अध्यक्ष नियुक्ती सम्बन्धी सबै प्रक्रिया रद्द गर्ने निर्णय भएको हो।
साथै, उक्त प्रकृया रद्ध भएकाले आगामी दिनमा नयाँ अध्यक्ष नियुक्तीका लागि फेरी अर्को प्रकृया चाल्नु पर्ने बाध्यात्मक अवस्था सिर्जना भएको छ ।
पूँजी बजारको ठूलो हिस्सा हाँक्ने र वित्तीय क्षेत्रको खब्बा मानिने सेबोनमा अध्यक्ष नहुँदा बोर्ड मियो बिहीन जस्तो अवस्थामा देखिन्छ। धितोपत्र बोर्डको अध्यक्ष जस्तो पदमा राजनीतिकरण हुँदा को अध्यक्ष बन्ने ? भन्ने निर्णय जुटन नसकेको हो । यद्यपी बोर्ड हाँक्न तत्पर उमेद्धारहरुले नै हट सिटमा रहने गरिमामय पदका लागि कुनै पनि निकाय र तहबाट भएको ढिलामाई दुख व्यक्त गर्ने काम भइरहेको छ ।
ठीक यही बेला यता यथाशिघ्र बोर्डको अध्यक्ष नियुक्ती प्रकृया अघि बढ्छ र योग्य उमेद्धार छनौट भएर आउँछन् भन्नेमा आशावादी रहदै पर्ख र हेरको अवस्थामा रुमल्लिनु सिवाय अन्य केही विकल्प नरहेको आम लगानीकर्ताहरु बताउँछन्।
