काठमाडौँ । मन्त्री सवार गाडी तोडफोडमा संलग्न पक्राउ गरिएका ७३ जनालाई छाड्ने निर्णय गरिएको छ ।
ललितपुरको बालकुमारी स्थित प्रदर्शन स्थलबाट पुस १३ मा रोजगार अनुमति प्रणाली (इपिएस) मार्फत कोरियामा काम गर्न जान खोज्नेहरूले गरेको प्रदर्शनको क्रममा पक्राउ गरिएकाहरूलाई छाड्ने निर्णय भएको उपत्यका प्रहरी कार्यालयका एआईजी दीपक थापाले जानकारी दिएका छन् ।
पक्राउ परेका उनीहरूलाई मुद्धा नचलाउने निर्णय भएसँगै ७३ जना छुटेका छन् । भौतिक पूर्वाधार तथा यातायात मन्त्री प्रकाश ज्वाला चढेको गाडी जलाएको र भौतिक सम्पत्ति तोडफोड गरेको आरोपमा उनीहरू पक्राउ परेका हुन् ।
