काठमाडौं। सुनचाँदीको मूल्यमा सामान्य गिरावट देखिएको छ। सोमबार छापावाल सुन प्रतितोला ४ सय रुपैयाँले घटेको हो।
हिजो आइतबार प्रतितोला २ लाख ९७ हजार १ सय रुपैयाँमा कारोबार भएको सुनको मूल्य आज घटेर २ लाख ९६ हजार ७ सय रुपैयाँ कायम भएको नेपाल सुनचाँदी व्यवसायी महासंघले जानकारी दिएको छ।
यसैगरी, चाँदीको मूल्य पनि घटेको छ।
आइतबार प्रतितोला ४ हजार ९७५ रुपैयाँ रहेको चाँदी आज ७५ रुपैयाँले घट्दै ४ हजार ९०० रुपैयाँमा झरेको छ।
