काठमाडौँ। नेपाल स्टक एक्सचेञ्ज (नेप्से) का कार्यवाहक नायब प्रमुख कार्यकारी अधिकृत (कामु डीसीईओ) निरञ्जन फुँयालले पदबाट राजीनामा दिएका छन् । उनले निजी क्षेत्रको कम्पनी एनआरएन इन्फ्रास्ट्रक्चर एन्ड डेभलपमेन्ट कम्पनीको प्रमुख कार्यकारी अधिकृत (सीईओ) बन्न नेप्सेबाट असोज १० गते राजीनामा दिएको स्रोतले बताएको छ ।
फुँयालको राजीनामा अब बस्ने नेप्से सञ्चालक समितिले स्वीकृत गर्ने तयारी गरेको छ ।
नयाँ जिम्मेवारी र पृष्ठभूमि:
फुँयालले सीईओको जिम्मेवारी सम्हालेको एनआरएन इन्फ्रास्ट्रक्चर एन्ड डेभलपमेन्ट कम्पनी गैरआवासीय नेपालीको मुख्य लगानीमा स्थापना भएको लगानी कम्पनी हो र यो नेप्सेमा सूचीकृत छ ।
यसअघि सो कम्पनीमा प्रमुख कार्यकारी अधिकृत रहेका हेमन्त बस्याल लाई तत्कालीन अर्थमन्त्री विष्णुप्रसाद पौडेलले नेप्सेको अध्यक्ष नियुक्त गर्ने तयारी गरेपछि उनले उक्त पदबाट राजीनामा दिएका थिए, जसपछि फुँयालका लागि सीईओको पद रिक्त भएको थियो ।
