काठमाण्डौ । आज पनि नेपाल स्टक एक्सचेञ्च(नेप्से) मा दोहोरो अंकको वृद्धि भएको छ । आज नेप्से परिसूचक १.०८ प्रतिशत अर्थात २३.२५ अंकले बढेर २ हजार १७५.४० विन्दुमा पुगेको छ ।
आज कारोबार समेत ५ अर्ब ७४ करोड ४० लाख रुपैयाँ बराबरको भएको नेपाल स्टक एक्सचेन्जले जनाएको छ ।
१९३ कम्पनीको सेयर मूल्य बढ्दा आज ४६ कम्पनीको मूल्य घटेको छ । बाँकी ६ वटा कम्पनीको मूल्य भने स्थिर रहेको छ ।
आज नेप्सेमा सूचीकृत १३ वटा समूह मध्ये एउटा समूह बाहेक अन्य सबै समूहमा हरियाली छाएको छ । आज बैंकिङ समूहमा सर्वाधिक वृद्धि देखियो । यो समूह आज १.६९ प्रतिशतले बढेको छ ।
यस्तै आज वित्त समूह १.१५ प्रतिशत,होटल ०.९४,हाईड्रो १.०७, लगानी ०.६४,जीवन बीमा ०.७७, उत्पादन तथा प्रशोधन ०.६०,लघुवित्त १.५४, म्युचुअल फण्ड ०.४५,निर्जीवन बीमा १.२९, अन्य ०.४८ र व्यापार समूह ०.०७ प्रतिशतले बढ्यो ।
आज घट्ने एउटा मात्रै समूहको रुपमा विकास बैंक समूह रह्यो। यो समूह आज ०.२९ प्रतिशतले घट्यो ।आज एसबीएल डिभेन्चर २०८३ को मूल्य १० प्रतिशतले बढेको छ भने बलेफी हाइड्रोपावर कम्पनीको सेयर मूल्य ९.९९ प्रतिशतले बढेको छ ।
