काठमाडौं । आज आइतबार सेयर बजार २.२६ प्रतिशत बढेको नेप्से परिसूचकमा देखिन्छ । यस अघिको तुलनामा ४५.६९ अंक बढेको नेप्से २०६४ अंकमा पुगेको हो।
नेप्से बढेको दिन कारोबार रकममा पनि उल्लेख्य वृद्धि भएको छ। यस अघि चार अर्ब २३ करोडको कारोबार भएको भए पनि आज सो संख्या पाँच अर्ब २५ करोड पुगेको हो।
आज नेप्सेमा अधिकांश सूचकहरु सूचकहरु बढेका छन् । बीमा समूहमा उल्लेख्य आकर्षण देखिएको छ । जीवन बीमा समूह सबैभन्दा धेरै ४.३८, निर्जीवन बीमा ३.८१, अन्य समूह २.७६ र बैंकिङ २.६३ प्रतिशत बढेका छन् । त्यस्तै, विकास बैंक १.६२, फाइनान्स १.०७, होटल तथा पर्यटन १.३५, हाइड्रोपावर १.२५, लगानी १.२९, उत्पादन १.६८, माइक्रोफाइनान्स १.३६ तथा व्यापार समूह ०.५५ प्रतिशत बढेको देखिन्छ ।
