काठमाडौं । प्रधानमन्त्री पुष्पकमल दाहाल (प्रचण्ड) ले यसपालिको बजेट उत्पादन र रोजगारीलाई केन्द्रमा राखेर निर्माण हुने बताएका छन् । दाहालले सोही किसिमको बजेट निर्माणका लागि अन्तिम गृहकार्य भइरहेको दाबी गरेका हुन् ।
आज १ सय ३५औं अन्तर्राष्ट्रिय श्रमिक दिवसको अवसर पारेर राजधानिमा आयोजना गरिएको एक कार्यक्रममार्फत प्रधानमन्त्री प्रचण्डले जनतामा सकारात्मक उत्साह जगाउँने किसिमको बजोट आउँने अभिव्यक्ती दिएका हुन् ।
त्यस्तै, उनले आगामी आर्थिक वर्षको बजेटबाटै अर्थतन्त्रको विकास र बेरोजगारी न्यूनीकरणमा मद्धत पुग्ने आश्वासन व्यक्त गरेका छन् ।
