आइसीसी विश्वकप टी–२० को एसिया छनोटअन्तर्गतको फाइनल खेल आज आइतबार हुँदै छ । खेल टियु क्रिकेट मैदान किर्तिपुरमा बिहान ११ बजे सुरु हुने छ । आज उपाधिको लागि नेपाल र ओमान भिड्न लागेका हुन् ।
नेपाल क्रिकेट संघ क्यानले आज हुने फाइनल खेलको टिकट बिक्रीबाट उठेको रकमको ५० प्रतिशत भूकम्पपीडितलाई सहयोग स्वरुप प्रदान गर्ने भएको छ । फाइलन खेलको टिकट बिक्रीबाट उठेको रकमको आधा रकम जाजरकोट भूकम्पका पीडितलाई सहयोग गर्ने क्यानले जनाएको छ ।
नेपालले सेमिफाइनलमा युएईलाई हराएर फाइनल प्रवेश गरेको हो भने ओमानले बहराइनलाई हराएर फाइनल प्रवेश गरेको हो । सेमिफाइनल जित्ने २ टिम सन् २०२४ मा हुने टि २० विश्वकपको लागि छनौट हुने प्रावधान अनुसार आज फाइनल खेल्ने नेपाल र ओमान सन् २०२४ मा हुने टि २० विश्वकपको लागि छनौट भईसकेका छन् ।
