काठमाडौँ : नेपाल वेयरहाउजिङ कम्पनी लिमिटेडको आइपीओमा ३४ करोड ८५ लाख ६७ हजार रुपैयाँ बराबरको आवेदन परेको छ ।
आज पहिलो दिनको साँझसम्म ३ लाख १७ हजार ३८६ जनाले ३४ लाख ८५ हजार ६७० कित्ताका लागि आवेदन दिएका छन् । जुन सर्वसाधारणबाट माग गरिएको सेयर सङ्ख्याको तुलनामा ३.०५ गुणा बढी हो ।
यस आइपीओमा मंसिर १३ गतेसम्म आवेदन दिन सकिनेछ ।
कम्पनीले आज ९मंसिर १० गते० देखि १ सय अंकित मूल्यमा ११ लाख ४१ हजार २५० कित्ता आइपिओ सर्वसाधारणका लागि बिक्री खुला गरेको हो ।
यसअघि कम्पनीले वैदेशिक रोजगारीमा रहेका नेपालीका लागि आइपिओ बिक्री गरिसकेको छ । साथै, सामूहिक लगानी कोष र कर्मचारीका लागि पनि सेयर बाँडफाँट गरिसकेको छ । यस कम्पनीको आइपीओमा न्यूनतम १० कित्तादेखि अधिकतम ५० हजार कित्ताका लागि आवेदन दिन सकिनेछ । यसमा बिक्री प्रबन्धकको काम हिमालयन क्यापिटल लिमिटेडले गरेको छ ।
