काठमाडौं । रोजगार अनुमति प्रणाली (ईपीएस) अन्तर्गत कोरियन भाषा परीक्षाको आवेदन खुला भएको छ। वैदेशिक रोजगार विभागले दक्षिण कोरिया जान लिइने इपीएस भाषा परीक्षाको आवेदन फारम भर्न आग्रह गरेको छ ।
भाषा परिक्षाका लागि आवदेन २०८० पुस २ गतेदेखि ६ गतेसम्म दिन सकिनेछ । अब ४ दिनसम्म चल्ने आवदेन लिने क्रममा हजारौं युवाले भाषा परीक्षाको फारम भर्नेछन्।
परीक्षा आवेदन फारम अनलाइक्षन मार्फत मात्र भर्न सकिनेछ । https://eoers.epsnepal.gov.xn--np-spf8d/ मा गइ अनलाइनबाट फारम भर्न सकिने पनि शाखाले जानकारी दिएको छ ।
आवदेकले आवेदन फारम भर्दा राहदानीको फोटो भएको पेजको रंगिन स्क्यान गरेको जेपीजी इमेज फाइल अपलोड गर्नुपर्नेछ।
रोजगारीका लागि कोरिया जान सबैभन्दा पहिले भाषा परीक्षा पास गर्नुपर्छ । इपीएस भाषाको पहिलो परिक्षाको मिती सम्बन्धी विस्तृत विवरण २०८० को माघ २२ गते मात्र प्रकाशित हुने पनि जानकारी दिइएको छ ।
दक्षिण कोरिया सरकारले सन् २०२४ मा नेपालबाट १५ हजार ८४८ नेपाली रोजगारीका लागि लैजाने छ। जसमा उत्पादनमूलक क्षेत्रमा मात्रै सो संख्यामा आवेदन खुलाएको हो ।
