काठमाडौँ । माउण्ट एभरेष्ट डिस्टिलरीले सर्वसाधारणका लागि सेयर (आईपीओ) जारी गर्ने तयारी अघि बढाएको छ। यस सम्बन्धी प्रस्ताव स्वीकृत गराउन कम्पनीले आफ्नो पहिलो वार्षिक साधारण सभा वैशाख २० गते आयोजना गर्ने निर्णय गरेको छ।
उक्त सभा रुपन्देहीस्थित लुम्बिनी हेरिटेजमा दिउँसो २ बजेर ३० मिनेटबाट सञ्चालन हुनेछ। बैठकमा आईपीओ जारी गर्ने प्रस्ताव अनुमोदन गरिने छ।
साथै कम्पनीको प्रबन्धपत्र र नियमावलीमा आवश्यक संशोधन गर्ने, सञ्चालक समितिका निर्णयहरूलाई अनुमोदन गर्ने तथा अघिल्लो आर्थिक वर्षको वार्षिक प्रतिवेदन र वित्तीय विवरण पारित गर्ने कार्यसूची रहेको छ।
