कालिञ्चोक हाइड्रोको आईपीओ बाँडफाँड: कतिले पाए शेयर, कति रित्तो हात फर्किए ?

काठमाडौँ। कालिञ्चोक हाइड्रोपावर लिमिटेडको साधारण शेयर (आईपीओ) सोमबार बाँडफाँड गरिएको छ। बिक्री प्रबन्धक आरबिबि मर्चेण्ट बैंकिङ्ग लिमिटेडको कार्यालयमा सम्पन्न बाँडफाँडमा गोलाप्रथामार्फत ६८ हजार ४७५ जना आवेदकले जनही १० कित्ताका दरले शेयर पाएका छन्।

धेरै लगानीकर्ता निराश

आईपीओमा अपेक्षाभन्दा धेरै आवेदन परेकाले अधिकांश आवेदकले शेयर हात पार्न सकेनन्। स्वीकृत आवेदन दिएका २६ लाख ३५ हजार ६३४ जनामध्ये २५ लाख ६७ हजार १५९ जना खाली हात फर्किएका छन्।

आईपीओ निष्कासनको विवरण :

कम्पनीले कुल १३ लाख ७५ हजार कित्ता शेयर निष्कासनको अनुमति पाएको थियो। जसमध्ये :

५ लाख ५० हजार कित्ता : आयोजना प्रभावित स्थानीय (पहिले नै वितरण)

८२ हजार ५०० कित्ता : वैदेशिक रोजगारीमा रहेका नेपाली (पहिले नै वितरण)

४१ हजार २५० कित्ता : सामूहिक लगानी कोष

१६ हजार ५०० कित्ता : कर्मचारीका लागि

६ लाख ८४ हजार कित्ता : सर्वसाधारणका लागि (सोमबार बाँडफाँड)

नतिजा कहाँ हेर्ने ?

लगानीकर्ताले आईपीओको नतिजा iporesult.cdsc.com.np पोर्टल, बिक्री प्रबन्धकको वेबसाइट वा कालिञ्चोक हाइड्रोपावरको आधिकारिक वेबसाइटमार्फत हेर्न सक्नेछन्।