काठमाडौं । अमेरिका लैजाने भन्दै काठमाडौंमा ल्याएर बन्धक बनाइएका ११ जना भारतीय नागरिकको काठमाडौंको रातोपुल क्षेत्रबाट उद्धार गरिएको छ ।
जिल्ला प्रहरी परिसर काठमाडौंबाट खटिएको प्रहरीको टोलीले उत्तल ११ जना भारतीय नागरिकलाई रातोपुल क्षेत्रबाट उद्धार गरेको एसएसपी भूपेन्द्र खत्रीले जानकारी दिएका छन् ।
खत्रीका अनुसार परिसरबाट खटिएको प्रहरीको विशेष टोलीले उनीहरूलाई गएराति उद्धार गरेको हो । यस घटनाबारे विस्तृत विवरण आज सार्वजनिक गरिने एसएसपी खत्रीले जानकारी दिएका छन् ।
