काठमाडौँ । चौथो नेप्लिज सोसाइटि सिंगापुर फुटसल प्रतियोगीता ३ अगस्टमा सम्पन्न भएको छ । नेप्लिज सोसाइटि सिंगापुरको आयोजनामा सिंगापुरमा रहेका नेपालीहरुबीच उक्त प्रतियोगीता आयोजना गरिएको थियो।
प्रतियोगितामा ६ इलाइट टिम, २ महिला टिम र २ जुनियर टिमको सहभागिता रहेको थियो । यसका अलवा सिंगापुरमा रहेका दर्जनौं नेपालीले पनि सहभागिता जनाएका थिए।
एक दिने प्रतियोगितामा ६ इलाइट टिमलाई दुई समूहमा विभाजन गरी लिग चरणको आधारमा होम र अवे रुल अनुसार खेल खेलाइएको थियो । समूह चरणमा सबैभन्दा धेरै अंक पाउने टिम सेमिफाइनलमा पुगेको थिए र त्यस लगत्तै फाइनल खेल पनि खेलाइएको थियो ।
प्रतियोगिताको प्रत्यक्ष प्रसारण गोल नेपालबाट भएको थियो जसलाई करिब १० लाख मानिसले हेरेका थिए। प्रवासमा बस्ने नेपालीलाई आत्मीय एवं भाइचारा अभिवृद्धि गरी अन्ततः नेपालको पर्यटन प्रवर्द्धन गर्ने उद्देश्य लिएको कार्यक्रमका संयोजक विपिन खत्रीले जानकारी दिएका छन् ।
साथै यस प्रकारको कार्यक्रमबाट उठेको रकम नेपालमा सामाजिक कार्य तथा नेपाली खेलकुदलाई टेवा पुग्ने गरी आर्थिक सहयोग गर्ने उद्देश्य रहेको जानकारी कार्यक्रमका सह संयोजक इन्द्र खत्रीले जानकारी दिएका छन्।
