काठमाडौँ । नेपाल स्टक एक्सचेन्ज (नेप्से) मा दुई कम्पनीको बोनस सेयर सूचीकृत भएको छ । दुई कम्पनीमा डिप्रोक्स लघुवित्त वित्तीय संस्था र साल्ट ट्रेडिङ रहेका छन् ।
डिप्रोक्स लघुवित्तको १५ लाख ५१ हजार ०८८.१६ कित्ता बोनस सेयर सूचीकृत गरिएको हो ।
यस संस्थाले गत वर्षको नाफाबाट सेयर धनीलाई १० प्रतिशत बोनस सेयर वितरण गरेको थियो।
साल्ट ट्रेडिङको ४ लाख १८ हजार ३२६.४६ कित्ता सेयर सूचीकृत भएको हो। यसले सेयर धनीलाई गत वर्षको नाफाबाट १५ प्रतिशत बोनस सेयर वितरण गरेको थियो । उक्त सेयर डिम्याट खातामा जम्मा भएपछि कारोबार गर्न सकिनेछ ।
