काठमाडौँ। यनाइटेड अजोड इन्स्योरेन्स लिमिटेडका संस्थापक शेयरधनीहरूको नाममा रहेको ४९ हजार ७०५ कित्ता संस्थापक शेयर बिक्रीमा ल्याएको छ।
कम्पनीले प्रतिकित्ता २४० रुपैयाँमा सो शेयर बिक्रीमा ल्याएको हो । उक्त शेयर हाल कम्पनीका संस्थापक शेयरधनीहरूले मात्रै खरिद गर्न पाउनेछन्।
शेयर खरिद गर्न इच्छुक शेयरधनीले ३५ दिनभित्र काठमाडौँको सुनधारास्थित कम्पनीको प्रधान कार्यालयमा खरिद गर्न चाहेको शेयर विवरण खुलाई निवेदन दिनु पर्नेछ ।
तोकिएको म्यादभित्र संस्थापक शेयर धनीहरूबाट आवेदन नपरेमा उक्त शेयर अन्य व्यक्ति वा संस्थाहरूलाई बिक्री गरिने कम्पनीले एक सूचना मार्फत जनाएको छ ।
