काठमाडौँ – करिब ६ किलो सुनसहित कपनबाट चिनियाँ नागरिक पक्राउ परेका छन्।
प्रहरीको केन्द्रीय अनुसन्धान ब्युरो सिआइबीले चिनियाँ नागरिकलाई सुन र ४८ लाख नगदसहित कपनबाट पक्राउ गरेको हो।
पक्राउ पर्नेमा ३७ वर्षीय चिनियाँ मूलका नागरिक सोनाम गुरुङ रहेको सिआइबीका प्रवक्ता एवं प्रहरी उपरीक्षक होवेन्द्र बोगटीले बताए । हाल यो विषयमा थप अनुसन्धान भइरहेको र सुनको नापजाँच बाँकी रहेको प्रहरीले जनाएको छ।
