काठमाडौं । वीरगन्जस्थित नारायणी अस्पतालका चिकित्सकहरूले अस्पतालमा भएको तोडफोड र कुटपिटको विरोध गर्दै सामूहिक राजीनामा दिएका छन्। घटनापछि अस्पतालको आकस्मिक बाहेकका सेवाहरू समेत प्रभावित भएका छन्।
चिकित्सकहरूले प्रमुख जिल्ला अधिकारी र जिल्ला प्रहरी प्रमुखको राजीनामा माग गर्दै दोषीमाथि कडा कानुनी कारबाही गर्नुपर्ने माग गरेका छन्।
नेपाल चिकित्सक सङ्घले पनि उक्त घटनाको विरोधमा देशभरका अस्पतालहरूमा आकस्मिक बाहेकका सबै सेवा बन्द गर्ने घोषणा गरेको थियो।
यसका कारण देशभर ओपीडी सेवा ठप्प हुँदा उपचारका लागि पुगेका बिरामीहरू प्रभावित भएका छन्।
