काठमाडौँ । फर्स्ट माइक्रोफाइनान्स लघुवित्त वित्तीय संस्था लिमिटेड ले खराब कर्जा घटाउनुका साथै ब्याज खर्च नियन्त्रणमा राख्दै आर्थिक वर्ष २०८२/८३ को अन्त्यसम्म नाफामा उल्लेख्य उछाल हासिल गरेको छ।
चौथो त्रैमाससम्म संस्थाले १९ करोड ७ लाख रुपैयाँ खुद नाफा कमाएको छ, जुन अघिल्लो वर्षको सोही अवधिको १० करोड ९८ लाख रुपैयाँको तुलनामा करिब ७३ प्रतिशतभन्दा बढी वृद्धि हो। खुद ब्याज आम्दानी पनि बढेर २२ करोड ७४ लाख रुपैयाँ पुगेको छ, जसले संस्थाको आय संरचना थप बलियो बनाएको देखिन्छ।
सञ्चालन नाफामा झन् उल्लेख्य सुधार देखिएको छ।
संस्थाको लाभांश क्षमता पनि सुदृढ बनेको छ। वितरणयोग्य नाफा १३ करोड ६१ लाख रुपैयाँ पुगेको छ, जुन अघिल्लो वर्षको तुलनामा उल्लेख्य वृद्धि हो। यस आधारमा प्रति शेयर वितरणयोग्य आम्दानी १० रुपैयाँ १३ पैसा कायम भएको छ।
यसैगरी, निष्क्रिय कर्जा अनुपात ३.८४ प्रतिशतबाट घटेर २.८८ प्रतिशतमा झरेको छ भने स्रोतको लागत ६.२२ प्रतिशतबाट घटेर ४.७५ प्रतिशतमा सीमित भएको छ। आधार दर पनि घटेर ६.४१ प्रतिशतमा झरेको छ, जसले वित्तीय स्थायित्वमा सकारात्मक संकेत दिएको छ।
