काठमाडौं । काठमाडौं महानगरपालिका–३० का लेखा अधिकृत उद्धव भट्टराई घुस रकमसहित पक्राउ परेका छन्। अख्तियार दुरुपयोग अनुसन्धान आयोगको टोलीले उनलाई २१ हजार रुपैयाँ घुस लिइसकेको अवस्थामा नियन्त्रणमा लिएको हो।
स्थायी लेखा नम्बर (PAN) बन्द गर्न वडा कार्यालयबाट आवश्यक सिफारिस गरिदिने क्रममा सेवाग्राहीसँग अनावश्यक दुःख हैरानी दिई घुस मागेको सूचनाका आधारमा अख्तियारले कारबाही गरेको जनाएको छ।
अख्तियारका प्रवक्ता सुरेश न्यौपानेका अनुसार भट्टराईमाथि थप अनुसन्धान भइरहेको छ।
