काठमाडौं । शनिवार अपराह्न भासिएको कुपण्डोल सडक मर्मतपछि सञ्चालनमा आएको छ । आइतबार बिहान ९ बजेदेखि सवारीसाधनका लागि उक्त सडक खुला गरिएको छ ।
मेलम्ची खानेपानी आयोजनाको पाइप फुटेर सडक भासिएको थियो। शनिवार साँझदेखि काठमाडौँ उपत्यका खानेपानी लिमिटेडले फुटेको पाइप मर्मत थालेसँगै सडक डिभिजन कार्यालयले सडक मर्मतमा जुटेको हो ।
सडक मर्मत भए पनि त्यसलाई तत्काल कालोपत्रे गर्न नमिल्ने सडक डिभिजनले जनाएको छ ।
