काठमाडौँ । साताको पहिलो कारोबारका दिन शेयर बजारमा गिरावट आएको छ । लगानीकर्तामा छाएको निराशाका कारण बजारमा निरन्तरको गिरावट आएको छ ।
आइतबार बजार ४.५९ अंकले घटेर २०७३ को विन्दुमा कायम हुन पुगेको छ । आइतबार ३१३ कम्पनीको १ करोड ४ लाख ५२ हजार १२८ कित्ता शेयर किनबेच हुँदा ५ अर्ब १८ करोड ९० लाख ७९ हजार ५२२ रुपैयाँको कारोबार भएको छ ।
बजार ओरालो लागे पनि आज पाँच कम्पनीको शेयरमा सकारात्मक सर्किट लागेको छ । आज इस्र्टन हाइड्रोपावर, शुभम पावर, सिटि होटल, कुथेली बुखेरी स्मल हाइड्रोपावर र भगवति हाइड्रोपावरको शेयरमा सर्किट लागेको हो ।
आइतबार आठ उपसूचक राताम्य भएका हुन् । यस दिन बैंकिङ समूहको ०.९६ प्रतिशत, विकास बैंक समूहको ०.५९ प्रतिशत, फाइनान्स समूहको ०.९१ प्रतिशतले शेयर मूल्य घटेको छ ।
