काठमाडौं। अर्जेन्टिनाविरुद्धको महत्वपूर्ण खेलमा विवादास्पद निर्णयहरू भएको भन्दै इजिप्टियन फुटबल फेडेरेसनले फिफासमक्ष कडा आपत्ति जनाउँदै औपचारिक उजुरी दर्ता गरेको छ।
फेडेरेसनले खेल सञ्चालन गरेका रेफ्री टोलीलाई विश्वकपबाट हटाउन मागसमेत गरेको जनाएको छ। उजुरीमा खेलका क्रममा देखिएको भनिएको दोहोरो मापदण्डबारे छानबिन गर्न आग्रह गरिएको छ।
दोस्रो हाफमा इजिप्ट अग्रता लिइरहेका बेला गरिएको गोल भिएआरमार्फत रद्द गरिएको निर्णय विशेष विवादमा परेको छ।
त्यस्तै, अर्जेन्टिनाले निर्णायक गोल गर्नुअघि पेनाल्टी क्षेत्रमा आफ्ना खेलाडीमाथि फाउल भएको दाबी पनि इजिप्टले गरेको छ। यी घटनाहरूले खेलको नतिजामा प्रत्यक्ष प्रभाव पारेको फेडेरेसनको भनाइ छ।
फेडेरेसनका अध्यक्ष हानी अबु रिदाले फ्रान्सेली रेफ्री फ्रान्कोइस लेटेक्सियरविरुद्ध उजुरी दर्ता गराउँदै निष्पक्ष छानबिनको माग गरेका छन्।
