काठमाडौँ । सर्लाहीको गोडैता नगरपालिकामा एक युवकले आत्मदाह प्रयास गरेका छन्, जसका कारण उनी गम्भीर घाइते भएका छन्।
प्रहरीका अनुसार गोडैता नगरपालिका–३ का ३५ वर्षीय विवेक मण्डलले आफ्नै शरीरमा पेट्रोल खन्याएर आगो लगाउने प्रयास गरेका हुन्। मधेश प्रदेश प्रहरी कार्यालयका डीआईजी ओम अधिकारीले घटनाबारे जानकारी दिँदै मण्डलको शरीरको ठूलो भाग जलेको बताएका छन्।
जिल्ला प्रहरी कार्यालयका अनुसार घाइते मण्डलको अवस्था गम्भीर रहेको छ र उनको उपचार भइरहेको छ।
यस घटनाबारे राष्ट्रिय स्वतन्त्र पार्टीका सांसद अमरेशकुमार सिंहले पनि सामाजिक सञ्जालमार्फत जानकारी सार्वजनिक गरेका छन्।
