काठमाडौं । मंगलबार शेयर बजार बढेको छ । शेयर बजार नेप्से परिसुचक आज ११.२२ अंकले बढेको हो ।
मंगलबार शेयर बजार ११.२२ अंकले बढेर १८५८.७६ को विन्दुमा कायम भएको छ ।
शेयर बजार बढेसँगै कारोबार रकम पनि बृद्धि भएको छ । आज २८५ कम्पनीको ४३ लाख ३१ हजार २२९ कित्ता शेयर किनबेच हुँदा ९९ करोड ६५ लाख ८६ हजार रुपैयाँको शेयर कारोबार भएको छ ।
शेयर बजार बढेसँगै हिमालयन बैंकको प्रोमोटर शेयरको सर्वाधिक कारोबार भएको छ । आज बैंकको नौ करोड १६ लाख रुपैयाँको शेयर कारोबार भएको छ ।
त्यस्तै, माछापुछ्बैंकको ६ करोड ३८ लाख रुपैयाँ, सोनापुर मिनिरल्सको पाँच करोड ८७ लाख रुपैयाँ, सानिमा जिआइसी इन्स्योरेन्सको पाँच करोड बढीको कारोबार भएको छ ।
आज सबैभन्दा धेरै लक्ष्मी लघुवित्त वित्तीय संस्थाका लगानीकर्ताले ८.१६ प्रतिशतका दरले कमाएका छन् । सोनापुर मिनरल्सका लगानीकर्ताले ५.२८ प्रतिशतका दरले कमाएका छन् । सिटिजन लाइफका लगानीकर्ताले ४ प्रतिशतका दरले कमाएका छन् ।
त्यस्तै, आज सबैभन्दा धेरै स्वाभिमान लघुवित्त वित्तीय संस्थाका लगानीकर्ताले गुमाएका छन् । आज यस कम्पनीका लगानीकर्ताले ८.२६ प्रतिशतका दरले गुमाएका छन् । सिद्धार्थ प्रिमियर इन्स्योरेन्सका लगानीकर्ताले ५ प्रतिशतका दरले गुमाएका हुन् ।
