काठमाडौं। साताको अन्तिम कारोबार दिन सेयर बजारमा उत्साहजनक सुधार देखिएको छ। आज बजार दोहोरो अंकले उकालो लाग्दै समग्र परिसूचकमा उल्लेख्य वृद्धि भएको हो।
शुक्रबार नेप्से परिसूचक २५.०४ अंकले बढेर २७४३.२१ विन्दुमा पुगेको छ।
आज करिब ७० लाख ५३ हजार कित्ता सेयर किनबेच हुँदा कुल ३ अर्ब १२ करोड ६९ लाख रुपैयाँ बराबरको कारोबार भएको छ। बजारमा अधिकांश कम्पनीका लगानीकर्ताले नाफा कमाउँदा सकारात्मक माहोल देखिएको हो।
कारोबार भएका कम्पनीहरूमध्ये २२५ वटाको सेयर मूल्य वृद्धि भएको छ भने ३९ वटाको घटेको छ। यस्तै, ५ कम्पनीको मूल्य भने स्थिर रह्यो।
आज त्रिशुली जलविद्युत कम्पनी को सेयर मूल्यमा सबैभन्दा बढी वृद्धि देखिएको छ, जुन १० प्रतिशतले उकालो लागेको छ।
कारोबार रकमका आधारमा होटल फरेष्ट इन्न अगाडि रह्यो, जसको १३ करोड ८६ लाख रुपैयाँभन्दा बढीको सेयर किनबेच भएको छ।
यसैगरी रिलायन्स स्पिनिङ मिल्स को १३ करोड ६४ लाख, सोलु हाइड्रोपावर को ११ करोड ८१ लाख, ङादी ग्रुप पावरको ११ करोड ६३ लाख तथा रिडी पावर को १० करोड १५ लाख रुपैयाँभन्दा बढीको कारोबार भएको छ।
