काठमाडौँ। कुमारी सामूहिक लगानी कोषअन्तर्गत सञ्चालित दुई वटा म्युचुअल फण्डको लाभांश सुरक्षित गर्ने आज अन्तिम मौका रहेको छ ।
लाभांश वितरण प्रयोजनका लागि यी दुवै फण्डको बुक क्लोज भदौ १९ गते हुँदै छ। यसर्थ आजसम्म कायम ईकाई धनीहरु मात्रै यी दुवै फण्डको लाभांश प्राप्त गर्न योग्य हुने कम्पनीले जनाएको छ ।
कुमारी बैंक लिमिटेड कोष प्रवर्द्धक तथा कुमारी क्यापिटल लिमिटेड योजना व्यवस्थापक तथा डिपोजिटरी रहेको कुमारी सामूहिक लगानी कोषअन्तर्गत सञ्चालित कुमारी धन वृद्धि योजना र कुमारी इक्विटी फण्डका इकाईधनीहरुलाई गत आव २०८०-८१ का लागि समान ९.५० प्रतिशत नगद लाभांश (कर सहित) घोषणा गरिएको छ ।
